明星张什么霖隔17年再合作古仔整伤宣萱脖
发布时间：2024年12月20日 点击：[4]人次
古天乐同宣萱呢对老拍挡继电视剧《宠物情缘》、《刑事侦缉档案IV》、《寻秦记》后，相隔17年于《犯罪现场》再度合作。
二人镜头前后都默契十足，不过古仔肉紧得济唔小心整伤宣萱颈部，幸好宣萱并无大碍，同古仔老友鬼鬼嘅佢仲讲笑：「我唔会怪佢，Ok嘅！佢会万岁㗎喇。」
古仔话导演建议佢哋下一次过拍完呢场戏， 而专业嘅宣萱就Chok到条颈都冇嗌cut，坚持忍住做落去，幸好出到嚟嘅效果都好有惊喜！
宣萱受伤后要喺颈上敷冰毛巾，佢话自己拍之前惊左好耐，因为佢太了解古天乐，好惊同佢拍打戏。宣萱为求效果完美拒用替身，当拍摄途中听到条颈「啪」一声已心感不妙，但依然坚持下去，话做埋场戏，都叫做牺牲得值。
二人再度埋位拍摄时，古仔细心地为宣萱调整毛巾位置，令佢瞓得舒服啲，呢对老拍档嘅互动十足真情侣，难怪之前会传佢哋真係喺现实中一齐咗啦！
除咗古天乐同宣萱，圈中仲有好多对荧幕情侣衬到大家都以为佢哋真係一对，好多时仲因为戏中嘅互动太Sweet而传出佢哋戏假情真！
有啲嘅合作次数仲多达5次，日对夜对，真係日久生情都唔出奇！唔知以下呢几Pair荧幕情侣大家又觉得边对最衬呢？
1.陶 大 宇 与 郭 可 盈
陶大宇与郭可盈当年拍足三辑达100集嘅《刑事侦缉档案》，早年仲再续前缘拍多套《青出于蓝》，连场湿吻，二人多年后更不避嫌直认曾过电。
有人想搵郭可盈同大宇再合作，但林文龙以照顾家庭为由，禁老婆出山拍剧，郭可盈无机同陶大宇合体。
2.欧 阳 震 华 与 关 咏 荷
欧阳震华同关咏荷嘅互动经常擦出有趣火花，佢哋嘅角色都非常入屋，欧阳震华曾指同其他拍档拍摄时会觉得自己「争咁啲」，唔够火花同生活化，但同关咏荷就刚好对上，形容大家有「化学作用」，唔使磨合，只要埋位就得，观众亦唔使适应期，就觉得佢哋合衬。
3.林 峯 与 锺 嘉 欣
虽然佢哋只有合作拍过《溏心风暴》系列，但等一集林峯饰演嘅名亮因为意外死咗令到佢唔可以同锺嘉欣饰演嘅常在心开花结果，当年林峯独白「没有常在心的日子」睇到观众好揪心。
观众大力要求下二人终于喺续集有个Happy ending。
4.张 智 霖 与 佘 诗 曼
当年合作拍《十月初五的月光》令到每人都想拥有一个初哥哥，二人戏里戏外嘅互动都劲Sweet，继而传出戏假情真嘅绯闻。有传张智霖老婆靓靓更去到监场睇实老公！
5.罗 嘉 良 与 陈 慧 珊
罗嘉良同陈慧珊在《创世纪》未能开花结果，《先生贵性》弥补咗呢个遗憾。二人仲凭《先生贵性》撼低「古天乐、宣萱」同「欧阳震华、关咏荷」夺得《万千星辉贺台庆1999》最佳拍档奖。